Araudia

Aterpearen giltza Elkarteko idazkaritzan emango da (erreserbaren prozedura ikusi) logela eta okupatu beharreko ohatzeen esleipenarekin batera.

1. Sarrera prozedura:

• Etxera iristerakoan bai instalazio elektrikoa, bai berokuntza (neguan) aktibatuta egongo dira.
• Termostatoaren balioa ez aldatu. Etxeko berokuntza programatua dago.
• Mendiko botak beti beheko solairuan utziko ditugu, horretarako pentsatutako lekuan, eskailerapean.

2. Sukaldearen erabilera:

• Sukaldean bi bitrozeramika plaka daude. Ezinbestekoa da hauek era egokian zaintzea, garbi mantenduz.
• Aurkituko duzuna: baxera-detergentea, bitrozeramika plaken garbigarria, espartzuak, sukaldeko tresnak, oinarrizko baxera, garbitzeko materiala eta trapuak.
• Topatuko ez duzuna: papera, plastikoa eta beirarako zabor poltsak, olioa, ozpina, gatza eta azukrea.
• Erabili ondoren, sukaldea eta tresna guztiak garbi utzi behar dira.
• Etxezainarekin afaria (eta gosaria nahi ezkero) adostu duten taldeek, baxera garbitu eta jaso beharko dute bukatzerakoan.
• Zaborraren gestioa: zaborra udaleko kontainerretan bota beharko da egunero. Papera, plastikoa eta beira birziklatu behar dira. Etxea uzterakoan, nahiz eta pertsona gehiago aterpean egon, zaborra atera.

3. Jangelaren erabilera:

• Mahaiak partekatu behar dira. Erabili ezazue soilik behar duzuena.
• Beste edozer gauza egiten ari bagara eta beste pertsona batzuk jangela erabili behar badute, haiei utzi beharko zaie lekua (aterpeak egongela bat dauka).
• Jangela erabili ondoren garbi eta jasota utzi beharko da.

4. Logela eta komunen erabilera:

• Giltzak hartzerakoan esandako ohatzeak erabiliko dira beti.
• Logeletako apaletan burukiak eta edredoi meheak daude. Burukiak erabiltzeko beharrezkoa da burko-azala eramatea.
• Logeletan ezin da jan.
• Aterpearen ezaugarriak kontutan hartuta (passive house) logeletako lehioak itxita egongo dira beti neguan eta udaran, ahal den denbora gehienean.
• Altzariak lekuz ez aldatu.
• Komunetan komuneko papera egongo da. Toallak eraman behar dira.
• Mugikorrak kargatzeko puntuak komunen alboan daude.
• Zaborretara bota behar diren hainbat gauza (toallitak…) ezin dira komunetik bota.
• Ziurtatu gauean argiak itzalita geratzen direla.

5. Egongela:

• Liburutegi txikia eta mahai jokoak daude.
• Proiekzioak egin daitezke.
• Egongelan ezin da jan.

6. Alderdi orokorrak:

• Gure ingurua zainduko dugu, zarata, soinua eta zikinkeria saihestuz.
• Gure aterpea zaindu. Ez da landetxe bat.
• Ura, argia eta kalefazioa moderazioz erabili.
• Aterpetik ez eraman ezer etxera.
• Aterpea kerik gabeko eremua da.
• Animaliak ezin dira sartu.
• Kamera bat egongo da aterpearen sarreran sarbidearen kontrola egiteko segurtasuna bermatzeko.
• Isiltasuna mantenduko dugu 23:00 tatik 7:00 ak arte.

7. Matxurak, pitzadurak, hondatzeak, etab.

• Zerbait hautsi edo hondatzen bada, idazkaritzan esan. Arduradunek erantzunkizuna dagoen edo ez erabakiko dute eta horren arabera, ordainketaren bat egin behar den ala ez.
• Aterpera doazen pertsonek erabilpen desegokiaren ondorioz zerbait hondatu badute (baxera…), ordezkatu edo balio duen zenbatekoa ordaindu beharko dute.
• Giltza galtzen bada, 30 euro ordaindu beharko dira.

8. Irtetzeko prozedura.

• Ateratzerakoan, zabor guztia bota eta erabili dugun guztia garbitu beharko dugu./li>
• Hozkailua garbi dagoela eta barruan janaririk ez dagoela ziurtatu behar dugu.
• Giltzak itzultzeko epea 3 egun dira.
• Etxezainak aterpearen egoera aztertuko du astelehen, asteazken, ostiral eta irteera bakoitzaren ondoren.